Taze Peng Kahdohnak Ah SAC Ralkap 30 Leng An Thi, 40 Leng An I Hliam

0

The Chinland Post | 2024 February 28 — Taze peng um SAC ralkap phu pawl cu Shwebo pengkomh le Taze peng dothlennak phufonh pawl nih February 21 in February 24 tiang an kah hna i SAC ralkap 30 leng an thi, 40 leng an i hliam tiah theih a si.

Taze khua in a rak chuak mi IB 361 le pyusawthi thazang 105 hrawng cu Wayange khua hnulei le Khayan khua pawng ah No. Shwebo kuttang, Shwebo pengkomh battalion le Taze peng PDO hna nih an kah hna i SAC ralkap 10 an thi, 9 an i hliam tiah theih a si.

Cubantuk in Kanhtuma khua in a chuak mi IB 11, 108 in thazang 50 hrawng cu Shwebo pengkomh Battalion nih an kah hna i SAC ralkap 6 an thi, 7 an i hliam.

February 21 zong ah palek battalion-16, IB 361 le pyusawthi thazang 30 hrawng an umnak Kanhtuma khua palek sakhaan cu No. 1 Shwebo battalion nih an lak khawh i SAC ralkap lei 10 an thi 17 an i hliam. Cu hmun kahdohnak ah Shwebo pengkomh hriamtlai 1 a nunnak a liam tiah theih a si.

Kahdohnak chung ah palek battalion 16, IB-361 palek sakhaan in G-3 zuun 5, bom lung 4, MA-15 kuan 1,635, kuanbawm 12, tangka sing 36 hna an lak khawh.

Kahdohnak chung ah SAC ralkap lei nih Jet vanlawng, Y-12, Mi-35 hna in vanlei kahdohnak voi 23 a tuah i SAC ralkap pawl nih Kanhtuma khua an khangh.

February 22 le February 23 zong ah Kanhtuma khua palek sakhaan chaklei ah IB 11, 708 le pyusawhti 80 hrawng cu Shwebo pengkomh battalion nih an kah hna i SAC ralkap 7 an thi, 15 an i hliam tiah No. 1 kahdohnak hmunhma nih an thanh.

About The Author

Na ruahning rak langhter ve.. (Leave a comment)

%d bloggers like this: