Washington A Phan Mi Chin Miphun Hna Nih U Kyaw Moe Htun Cu Pa Ralṭha Tiah An Lawmh
The Chinland Post | 2024 February 28 — American ram, Washington DC a phan mi Chin miphun hna nih UN Representative U Kyaw Moe Htun cu pa ralṭha tiah an conglawmh i Chin miphun thuamthil pawl laksawng an pek tiah Chin Community of USA, Inc. D.C Area phu sin in thawng theih a si.
U Kyaw Moe Htun cu Myanmar mipi 50 Million aiawh in UN ah SAC uknak fiang tein a doh i mipi lei ah fek tein a dir caah a voi 76 nak Chin Miphun Ni ah an conglawmh hi a si tiah theih a si.
Chin Miphun Ni hi February 20 ah tuah ding a si nain Washington um Chin miphun zapi nih an kai khawh nakhnga February 24 ah an tuah i cu ni sunglawi ah NUG Minister U Htein Lin Aung, U Zaw Moe U hna an kai kho.
Cu ni sunglawi ah Chin miphun kip in hla le miphun laam hmuhsaknak an tuah i minung 3,000 deng an kai kho tiang Chin Community of USA, Inc. – D.C Area phu sin in theih a si.
About The Author
