Taze pyusawhtee sakhaan PDF nih an kah, SAC ralkap lei in tampi an thi i PDF 2 an nunnak a liam ve
The Chinland Post | 2023 February 10 — Sagaing ramṭhen, Taze khuachung ah a um mi SAC ralkap leInkokka khua ah a um mi pyusawhtee sakhaan cu PDF phufonh nih an kah hna i SAC ralkap tampi an thi tiah thawng theih a si.
February 9 zinglei sml 1:00am hrawng ah Taze peng, Inkokka khuate ah a um mi pyusawhtee sakhaan cu Taze peng PDF phufonh nih an kah hi a si.
Kahdohnak chung ah SAC ralkap le pyusawhtee tampi an thi i PDF phufonh lei in hriamtlai 2 an nunnak a liam ve tiah Taze PDF nih an thanh.
Cu palek sakhaan cu zinglei sml 7:59 ah an lak beh khawh tiah theih a si. Kahdohnak chung ah PDF 2 an nunnak a liam i 7 an i hliam tiah NUG MOG zong nih a langhter.
Cun SAC ralkap pawl nih hmunhma an khuarnak Taze palek sakhaan, Taze bawlung certual le GAD zung hna zong PDF phufonh nih an kah i 4 an thi, tampi an i hliam tiah Shwebo B25 nih an thanh.
About The Author
