Tedim Ah Bom Cansualnak Ruang Ah Mawṭaw A Puak i Hriamtlai 2 An Nunnak A Liam, Mipi Inn 5 A Rawk
The Chinland Post | 2023 November 8 — Chin ramkulh, Tedim peng, Lawi Bual sang, No. 2 B.E.H.S ramṭhen pawng, November 7 zaanlei ah bom cansualnak ruang ah mawṭaw 1 a puak i CDF-Tedim hriamtlai 2 an nunnak a liam i a pawngkam inn 5 a rawk tiah theih a si.
A puahnak hmunhma pawng inn 1 cu inncih le kutka a rawk i a pawngkam inn 4 thlalang a kuai tiah khuami nih Zalen ah an chim.
“Nizaan sml 6:00pm luan hrawng ah puahkeh thawng thang taktak kan theih. Kan va zoh tik ahcun mawṭaw pakhat lak awk um lo in a sop dih. Cun minung kut, ke, taksa zong aa varh dih. Minung 2 an si kho men. An ruak char awk a ṭha lo. A puah dan a fak tuk. A pawngkam inn pakhat a cih, kutka hna a rawk. Cheukhat inn thlalang zong an kuai len” tiah Tedim khuami pakhat nih cun Zalen ah a chim.
Mawṭaw hi Surf a si i a rawk mi pawl a tang rih ko tiah theih a si.
Hmanthlak/Ref – Zalen
About The Author
