Tedim Holh In FM Radio Chimnak An Thok Cang Lai
TCP-Online| 2018 March 15| Vawleicung ah zapi nih Community Radio tiah theih ciomi Radio cu Kawlram zong ah hman cuahmah a si ve cang.
2018 kum lio khan Yangon ramthen Thantapin khayi FM tiah Thantapin um minung hna nih Radio in bia chim an rak thok. Cuti an rak tuah tikah khuachung ah a cangmi thil theih colh lengmang a si i khua cheukhat ah lam a chiatnak, khawndennak hna cu a caan he aa rual in zapi nih theih khawh colh a rak si. Cuticun Kawlram chung minung tampi zong an lung a um ngai hna.
Chin ramkulh Tidem peng chung zongah Tedim holh in FM Radio ah thawngthanh ve ding in timhlamhnak an ngei cuahmah lio a si.
Siyin, Zo, Tedim holh pinah Kawl holh le mirang holh he tiin holh phun 5 hman ding in timlamhnak an ngei. Hiti an tuah khawhnak dingah IMS-Fojo Myanmar nih bawmhnak pekmi a si tiah Tedim holh in FM Radio tuahnak ding in Project lei tlaitu Mah Din Din nih a chim.
Atu rih ahcun Tedim peng chung um mipi ca a si rih i peng chung ah a cangmi thawngpang pawl a caan te ah zapi nih an theih khawh ding hi kan duh i mah cu kan timhlamhnak bik zong a si Mah Din Din nih cun a chim chap.
Tedim holh in phuan dingmi Radio cu tukum June le July thla hrawng in thok kho ding zong an tim. Denmark hrambunh simi Media lei thanchonak ding ca riantuanmi Fojo Institute he hmunkhat ah riantuanti ding zong an si.
IMS-Fojo nih hin mah timhlamhnak ding ca a herhmi thilri le Technical vialte zong 2018 kum dong tiang bawmhnak pek kan si lai tiah Tedim holh FM Radio tawlretu in Program Officer Ko Lah Kyaw Htun nih a chim.
Ref:BBC
About The Author
