Tedim khua lah-wah-kah zung a kangh lio kahmi hriamngan ruangah nu 1 a thi

The Chinland Post | 2022 October 12 – Chin ramkulh, Tedim khua, Myoma sang ah a ummi lah-wah-kah zung le ta-mah-wa-ya-mah zung cu October 11 zaan sml 9:00pm hrawng ah a kang i cu a kangh lioah SAC ralkap nih hriamngan an puah thlorh caah Tedim-Lailo khua karlak ah a ummi inn pakhat hriamngan nih a khen i innchung ah a um liomi kum 4 hngakchia a nu pakhat a thi tiah theih a si.

Atu bantuk in lah-wah-kah zung le ta-mah-wa-ya-mah zung a kanghnak kong he pehtlai in PDF Zoland nih cun kanmah cawlcanghnak a si lo tiah a thanh i mipi thinphang in a tuahtu phu pawl kan hlat lio hna a si tiah a thanh.

Lah-wa-kah zung le ta-mah-wa-ya-mah zung a kangh lioah Tedim khua hram a bunhmi SAC ralkap nih hriamngan le meithal an kah thlorh i Tedim le Lailo khua karlak ah a ummi inn pakhat a khen caah kum 4 fa a ngeimi nu a lu ah a khen i a thi tiah khuami hna nih Chin World ah an chim.

Na ruahning rak langhter ve.. (Leave a comment)

%d bloggers like this: