India-Myanmar ramri Rihkhawdar khua leng ah mipa 1 ruak an char
The Chinland Post | 2022 October 12 — India-Myanmar ramri Chin ramkulh Rihkhawdar khua leng ah pa pakhat ruak cu October 11 ah an hmuh tiah theih a si.
A thi mi hi Aung Htay Min (kum 27) a si tiah theih a si i October 11 chun ah Rihkhawdar khua No. 2 sang in Haimual lei ah a kalmi thlacamnak tlang ah khuami hna nih a ruak an hmuh hi a si tiah theih a si.
A ruak ah hma pawl an hmuh i an thah mi a si men lai tiah an ruahdamh.
Aung Htay Min hi Rihkhawdar khua No. 2 sang (Tio tiva) ah a um mi a si i a nupi le kum 4 fanu te a tan tak hna tiah theih a si.
