Tedim Khuachung Mipi Inn Pawl SAC Nih An Khangh Ṭhan
The Chinland Post | 2024 June 3 — Chin ramkulh chaklei, Tedim khua, Luaibual sang mipi inn pawl cu June 1 zaanlei ah SAC ralkap nih an khangh ṭhan tiah theih a si.
June 1 zaanlei ah SAC ralkap le Chin dothlennak phu karlak ah kahdohnak a chuak i zaan sml 9:00pm hrawng ah Luaibual sang, sizung pi pawng ah a um mi mipi inn pawl an khangh hi a si tiah theih a si.
May 26 zaan thawk in Tedim khuachung um SAC ralkap sakhaan pawl cu Chin dothlennak phu pawl nih an kah hna i SAC ralkap nih hmunhma an khuarnak Micro sakhaan le Na-tah-lah hmun pawl cu an lak khawh hi a si i SAC chungtel 9 zong a nung in an rak tlaih hna.
Cu hnu May 27 zaanlei ah SAC ralkap nih Tedim khuachung Sml tung pawng mipi inn pawl cu voi 2 tiang a khangh i inn 30 leng a ciam tiah theih a si.
Tedim khuachung mipi zapi cu kahdohnak ruang ah Kalaymyo le khuate pawl ah an zaam hna.
Tedim khua kahdohnak hi Chin Brotherhood phu nih an tuah mi a si i atu tiang kaphnih karlak entainak a fak rih tiah theih a si.
About The Author
