Tedim Peng Dimzang Khuate Ah Bingrang Le WY Rithaisii A Zuar I A Tawngtham Mi Pahnih An Tlaih Hna

TCP-Thantlang|6 June 2019| Tedim peng Khingzang khuakomh, Dimzang khua te June 4 ah Bingrang le WY rithaisii a zuar in a tawngtham mi Pho Saw@ Nay Lin Naing le Lam Khanh Cin cu Bingrang 2.22 Kg le WY rithaisii tlang 12 he an tlaih hna tiah kan theih.

June 4 ni ah Khaikam kiangkap palek 7 le tuanvo ngeitu  hna nih an khua ah va kal in Cherry sangthen  ah a um mi Pho Saw@ Nay Lin Naing (kum 40, Kawl/Buddhist) inn ah Lam Khanh Cin (kum 35, Chin/ Khrihfa) han cu hmun khat ah an tlaih hna hi a si. Nay Lin Naing ihnak kam ah zu thol pahnih chungah chiah mi Bingrang (0.2)kg, (0.002)kg le dur pakhat chungah chiah mi bingrang (2)kg le Lam Khanh Cin ihnak lei kam ah thlai mi rihhaisii tlang 12 an hmuh chuah.

Hi rithaisii cu Nay Lin Naing nih a luancia ni 7 hnu ah Tonzang peng, Htit Sein khuate ah a cawknak kong le bingrang sapia (chapiat) bawmkhat ah 280,000 le rithaisii tlang khat ah 800 in cawk a si nak kong le Dimzang le Kalay peng Rithaisii a tawngtham mi hna sin ah zuar a si nak kong. Rithaisii tlang khat ah 1000 le Bingrang dur khat ah 20,000 in a zuarnak kong a chim.

Nay Lin Naing sin ah Lam Khanh Cin cu a luancia 20 lio a sin ah a rak um cang. Mah hna pahnih cu hmun khat ah rithaisii a zuar ina tawngtham mi an si. Hi rithaisii an tlaih mi cu Ks.234000 tluk a si i mah hna pahnih cu Tedim peng, Khaikam palek sakhan ah rithaisii upadi 16 (c) /21 ningin an tawlrel lio hna a si tiah kan theih. (Ref: iprd Khaikam)

Leave a Commnet

%d bloggers like this: