Thabayin Ah Ralkap Nih Minung 8 An Lu An Tan Hna, An Paw An Hlai Hna i Minung 21 An Tlaih Hna
The Chinland Post | 2023 October 31 — Sagaing ramṭhen, Thabayin peng ah a lut mi ralkap pawl nih sualnak ngei lo mipi 8 cu an lu an tan hna, an paw an hlai hna leng ah adang minung 21 an tlaih hna i an kalpi hna tiah Thabayin peng PDF phu sin in thawng theih a si.
October 18 thawk in Thabayin peng ah a lut mi ralkap pawl cu Thiba khua le a pawngkam khua hna ah sualnak ngei lo mipi 8 a si mi
1. Kum 35 Ko Aung Naing (lu tan)
2. Kum 34 Ko Zaw Myo Aung (lu tan)
3. Min theih lo pakhat (paw hlai)
4. Min theih lo pakhat (paw hlai, lu tan)
5. U Kyi Win ( meithal in kah)
6. Kum 39 Ko Nyein Min Oo (lu tan)
7. Kum 43 Ko Kyan Htun (lu tan)
8. Kum 60 U Nyo Win (lu tan) hna cu an thah hna tiah theih a si.
Cu leng ah, ralkap nih sualnak ngei lo mipi 21 zong an tlaih hna i an kalpi hna i atu tiang an thawngpang theih a si lo tiah Khit Thit nih a langhter.
About The Author
