Ye Pyu Peng Ah Dothlennak Phu Nih SAC Ralkap 20 Leng An Thah Khawh Hna
The Chinland Post | 2023 October 31 — Taninthary ramṭhen, Dawei pengkomh, Ye Phyu peng ah dothlennak phu pawl nih SAC ralkap an kah hna i 20 leng an thi tiah Wai Hin PDF nih an thanh.
October 19 ah Ye Pyu peng, Yankin hlei a hnulei in a rak lut mi SAC ralkap pawl cu zinglei sml 6:00am-8:00am tiang PDF phu pawl nih voihnih an kah hna i SAC ralkap lei 10 hrawng an i hliam. Cu kahdohnak ah PDF hriamtlai 1 le mipi 1 an nunnak a liam tiah an thanh.
Cubantuk in October 26 le October 27 nihnih chung kahdohnak a chuak i SAC ralkap lei 19 hrawng an thi i 10 hrawng an i hliam tiah Dawei pengkomh No. 1 Battalion nih an thanh.
October 26 zaan sml 9:00pm hrawng ah Pyu peng, Nabulay hmunhma ah a um mi mipi inn pawl a hrawk i mawṭaw in a rak kir mi SAC ralkap pawl cu Yankin khua pawng ah dothlennak phu pawl nih an kah hna i SAC ralkap 16 an thi, 10 nak tlawm lo an i hliam bantuk in October 27 zong ah Dawei-Ye Phyu lam ah Dawei lei in a rak ra mi SAC ralkap mawṭaw 3 cu zaan sml 10:00pm hrawng ah bomrap an puah hnawh hna i kaphnih karlak kahdohnak chung ah SAC ralkap 3 an thi chap tiah PDF phufonh lei nih thawng an thanh.
About The Author
