Thabeikkyin Guerrilla phu sakhaan Helicopter in an kah caah hriam le sing 100 leng man thilri an sung
The Chinland Post | 2022 October 18 – Sagaing ramṭhen, Shwebo pengkomh, Ngamatchaung khua pawngah a ummi PDF Commanders training peknak (NCO) tual cu a luancia October 8 ah SAC Helicopter 6 nih a kah tiah theih a si.
Helicopter nih TBK Guerrilla phu sakhaan a kah i an ngeihmi hriam le eidin sing 100 lemg man an sung tiah TBK Guerrilla phu nih October 17 ah a thanh.
SAC nih vanlei in a kah ruangah sakhaan ah a ummi Pearl zen, kep bawm 150, 60MM pakhat, 60MM kuan par 12, bonrap 24, adang bomrap phun 3, Diesel pung 10, facang, chiti pung 2, ruah khamnak 100 yards, Solar, Battery pawl an lak piak hna i sing 100 leng man an sung tiah theihternak an tuah.
SAC nih sml pakhat deng vanlei in voi za leng a kah i SAC ralkap 80 hrawng nih NCO sakhaan an khangh. SAC ralkap pawl nih NCO sakhaan an khangh hnu ah TBK Guerrilla phu sakhaan zong an rak luh hnawh chih hna tiah theih a si.
Hriam le thilri tampi kan sung ko nain minung cu him tein kan zaam manh kho tiah TBK sin in thawng theih a si.
A luancia October 8 zong ah Sagaing ramṭhen, Shwebo pengkomh, Wetlet khua ah SAC nih vanlei in kahdohnak a tuah caah PDF chungtel 9 telh in mipi 11 an nunnak a rak liam.
About The Author
