Hakha peng caah biaceih zung kan dirh khawh cang tiah CDF-Hakha Council nih a thanh

The Chinland Post | 2022 October 18 – Chin ramkulh, Hakha peng caah biaceih zung kan dirh khawh cang tiah CDF-Hakha Council nih October 17 ah a thanh.

Dothlennak caan chungah Hakha peng mipi innlo, ngeihchiah le covo pawl runvennak caah, zauk phung a len khawhnak caah le tlukruannak a um khawhnak hnga caah tiah October 11 thok in biaceih zung kan awn khawh cang tiah a thanh.

Sual phawtnak pawl kha kan cohlan cang i biaceih zung awn a rak si hlan i CDF-Hakha nih a rak tawlrel mi sual phawtnak pawl zong kha dothlennak a dih tiang pehzulh in a tawlrel lai tiah theihternak an tuah.

Chin ramkulh, Mindat peng zong ah biaceih zung nih kumkhat chungah sual phawtnak 120 cu tlamtling tein a tawlrel khawh cang i laiphung tein tawlrel le peng biaceihnak zung nih sual phawtnak le dantatnak hna an tuah tiah theih a si.

Na ruahning rak langhter ve.. (Leave a comment)

%d bloggers like this: