July 25, 2024

Thai ram ah Myanmar rammi 95 an tlaih hna

0

The Chinland Post | 2022 September 30 – Thai ram chungah Myanmar rammi 95 cu Thai palek nih September 28 ah an tlaih hna tiah The Bangkok Post nih a langhter.

Mawṭaw 2 in a raami Myanmar rammi 39 cu Thai ram, Thong Pha Phum pengkomh, tambon Tha Khanun khua Highway lam No. 3272 gate ah September 28 zinglei ah an tlaih hna tiah theih a si.

Adang 43 cu tambon Tha Khanun khua i cassava dum ah an tlaih hna i adang 13 cu Muang pengkomh i tambon Ban Kao khua ah zinglei sml 8:00am hrawng ah an tlaih hna tiah aa ṭial.

Thai ram nawlngeitu pawl nih an hal hna tikah Myanmar rammi hna cu Thai ram chung ah phunglut loin an rak luh bantuk in Thai ram tan in Malaysia ah rianṭuan ding in Broker man (ပွဲစားခ) baht 60,000 pek in an raa tiah Bangkok Post nih a langhter.

Myanmar rammi hna a rak phortu mawṭaw mawng pahnih zong Thai cozah nih an tlaih ve hna.

An tlaihmi Myanmar rammi 95 cu Thong Pha Phum le Muang pengkomh palek sin ah an kuat hna i Thai ram chungah phungning loin an luh caah phungning tein a zi an zut hna tiah tiah theih a si.

About The Author

Na ruahning rak langhter ve.. (Leave a comment)