Thanbyuzayat Ah SAC Ralkap Phu Cu Voi 2 An Kah Hna I SAC Ralkap 3 An Thi
The Chinland Post | 2023 October 6 — Mon ram, Thanbyuzayat peng ah SAC ralkap phu cu voi 2 kulh in an kah hna caah SAC ralkap 3 an thi tiah Taungnyo phu nih an thanh.
September 20 chun sml 12:23pm ah Kyainseikgyi peng, Anankwin khua ah a um mi SAC byuha sakhaan in hmundang an rian ṭhialnak in a rak kir mi SAC ralkap 70 hrawng cu Thanbyuzayat peng, Zinitpin khua ah voikhat an kah hna, cun chun sml 1:44pm ah Zinitpin khuate le Yetakhun khuate karlak an phak ah a voihnihnak an kah hna i voi 2 chung kahdohnak ah SAC ralkap 3 an thi, 2 an i hliam tiah theih a si.
Kahdohnak chung ah Taungnyo C01, KNLA hna bawm in kahdohnak an tuah hi a si i PDF chungtel pawl him tein an kir kho tiah Taungnyo Column nih an thanh.
About The Author
