Kalaymyo Ah Kum 17 Tlangval SAC Ralkap Nih An Kahthah
The Chinlandpost | October 7, 2023 — Kalaymyo, Tahan sang Fuller A.G Church (Tahan fuller A.G biakinn pawng) ah October 17 zaanlei 2:00pm hrawng ah kum 17 tlangval no pakhat cu SAC nih an kahthah tiah theih a si.
Kahthah mi Lian Muan Sing (kum 17) cu a hawile pa 3 he October 6 zaanlei 3:00pm ah Kalaymyo U 17 mino pumpululh chuih zuamnak ah kal ding in Motor cycle pakhat ah mi 4 an i phrih lio ah SAC ralkap nih an kah hna hi a si.
Cycle pakhat ah mi 4 an i phrih ruang ah an kah mi hna a si kho men. Mithi pa Lian Muan Sing hi cycle a hnuleibik ah a ṭhu i, a hnulei in meithal an hun kah tik ah a keng an khen i a thi colh ko. A dang a hawi le pathum cu tih le thinphang in an tli tiah Lian Muan Sing a hawipa pakhat nih a chim tiah Zalen Media nih a tial.
Lian Muan Sing cu Hmunlai sang, um Pa. Ngo Khan Dal le Nu Kaai hna nih hrinmi fa pakhat ngeihchun te a si i, amah Lian Muan Sing hi VLC Kalaymyo ah level 3 sianginn a kai lio mi a si.
About The Author
