Thantlang BEHS No.1 Ah Zohchunawktlak Siangngakchia Pahnih Laksawng Peknak An Tuah

Salai Elvis| 2018 January 25| January 24 Thantlang BEHS No.1 sianginn ah tanghra kai liomi zeilei paoh ah zohcunawk a tlak ko timi minung pahnih thim in laksawng peknak an tuah.

Hi laksawng pekmi cu USA um Tony Tluang Lin Thang nih a pekmi hna a si i a tukum in avoi linak a pek hna hi a si.

“Tutan kan pekmi hna hi saya/ma pakhat nih thimmi a si lo. Cachimtu saya/ma minung paruk ning in mizei dah zohchunawktlak a si timi an zohfel dih hnuah pekmi an si. Hi laksawng cu minung pahnih nu le pa pakhat veve thim an si i tutan ah kan pek mi hna cu Pa Van Kham Or le Nu Dawt Hnem an si. Hi kan peknak hna thawng in midang zong zohchunawktlak in um hna seh law i cawn ve hna seh ti duhnak in tuahmi a si. Minung pakhat ah tangka 50,000 le roca pek an si” tiah sianguk bawi Lian Aung nih TCP ah a chim.

Tu bantuk in siangngakchia chung in zohchuntlak laksawang a co balmi hna cu; 2014-2015 kum ah Pa Tony Dawt Lian Sang le nu Ngun Sui Cin, 2015-2016 kum ah Sui Bawi le Bawi Hnem, 2016-2017 kum ah Lal Sawm Kim le Dawt Tin Tial le 2017-2018 kum ah  Pa Van Kham Or le nu Dawt Hnem cu pek an si cang ti kan theih.+++

Leave a Commnet

%d bloggers like this: