Thantlang Khuami Nih Vice President Henry Van Thio Sin Ah Thil Phun 7 Hal An Timh
Salai Elvis| 2018 February 1| Tu thla zarhkhatnak ah Kawlram Vice President Henry Van Thio cu Thantlang a phan ding a si caah Thantlang khuami nih thil phun 7 hal an timh tiah theih a si.
Hal an timhmi phun 7 cu;
1. Vuichiptlang Vanlawng tual pehzulh in tuahpiak ding.
2). Government Technology High School chiahpiak ding.
3). Thantlng khuachung ah AC Nylon kat-ta-za phakpiak ding.
4). Zungkip fonh (OSS）zung a dang tein le hmun thar ah sakpiak ding.
5). BEHS No.1 in sii-inn lei lam in khuavelnak lam chuah tiang kat-ta-za phahpiak ding.
6). Sii-inn ihkhun 50 chappiak mi a tu nitiang a thilri mithmuh kuttongh in an hmuh rih lo mi thil sining hal than ding.
7). Thantlang pengah khuakomh (Oh-suh) chap in karhpiak ding an si.
“Hi chungah papek in kan hal dingmi hna cu Thantlang khuachung ah AC Nylon kat-ta-za cu 2018-2019 tangka kum ah Thantlang hi papek in tuahpiak hmasa ding in hal kan duh. Cun Vuichip tlang vanlawng tual zong hi pehzulh in rak kan tuahpiak hna seh ti zong kan duh, Zungkip fonh （OSS）zung ca zong a hmun hma chiah le zoh a si cang i hi zong hi papek in rak kan tuahpiak seh tiah hal kan duh. Cun Thantlang peng khuakomh zong inn 150 cung a umnak khua cu khuakomh pakhat ah serpiak ding zong hal kan timh” tiah Thantlang Khuanu Khuapa in Secretary Pu Siang Cung Bik nih The Chinland Post ah a chim. +++
About The Author
