Falam Khuami Nih Vice President Sinah Thil Phun Sarih Hal An Timh

Salai Elvis| 2018 February 1| Kawlram ramkomh Vice President Henry Van Thio sin ah ah Falam khuami nih thil phunsarih hal dingin timhtuahnak an ngei tiah theih a si.

Vice President cu a bik in Chin ramkulh thanchonak le lam le sul zoh ah February 2 ah Laitlang a tlung ding a si caah a tubantuk in Falam khuami nih thil phunsarih hal an timh hi a si.

Falam khuanu/pa haotu Pu Hrang Lawm nih, “a bik in Falam in Rih kalnak Ton 60 aa khangmi hlei hmunli, Rih khuapi cu peng hmuhnak ding, Wai-bulah khua zong khuapi ah ser ding, Satawm khua cu ramri chawleh-hrawlnak hmun ah ser ding, Leilet in Kabani lam cu ramkomh lampi ah serpiak ding, Tihbual khua ah TV line zohkhawhnak seh chiahpiak ding le Var hlei cu a thar pe 1200 sang ding in donh thannak kong hna hi an si” tiah a chim.

“Tutan a rak nak bik cu khuale ram caah riantuan cangmi zeitluk dah a dih cang timi a bik in zohfelnak a ngei lai” tiah Hluttaw Speaker Pu Zo Bawi nih a chim.

Tutan Vice President Henry Van Thio cu Kalay, Falam, Hakha, Thantlang, Hnaring, Rezua, Matupi, Mindat le Paletwa ah a kal lai tiah theih a si.

Ref: Chin World

Leave a Commnet

%d bloggers like this: