May 24, 2024

Thantlang Market Sak A Duhmi Ramkulh Sipin Zung Nih An Auh Lai

0

Salai Elvis| 2018 May 21| Thantlang Market sak dingmi cu Chin ramkulh sipin zung tu nih sak a duhmi Company an auh than lai tiah thawng kan theih. 

Golden Development Company nih May thla chung sakding in timhtuahnak rak ngeih a si nain a karlak ah phungning in sokmi le hnatlaknak tha tein ngeih a si rih lo caah hnatlaknak le phungning tein an sak nakhnga ramkulh sipin zung nih a sa kho ding Company tu auh an timh hna hi a si.

“Golden Development Company nih sak an timhmi cu phungning a si lo pin ah sak ding le ding lo hnatlaknak a um rih lem lo caah ramkulh sipin tu nih a sa duhmi kan auh hna lai i a sokmi chung in tha tein kan zohfel hnu ah rian kan pek te hna lai. Golden Development Company zong nih an sok khawh men ko asinain anmah nih an hmuh lai le lai lo theih a si lo. Zapi theih in sok nak ca le thawng thanh kha a tha deuh mi rian a si tiah kan ruah caah a tu bantuk in ramkulh sipin zung tu nih auh kan timh hna hi a si. Thaizing kip ah fakthanh kan tuah colh lai. Soknak caan thlakhat chung kan pek hna lai” tiah ramkulh sipin lutlai Pu Thla Hre nih TCP ah a chim.

“Market saknak ding caah ramkulh lei nih budget chiahpiak a si ti lo caah sak a duhmi nih an sok hna lai i cu chung in ramkulh sipin lei nih Company an Profile cio an zohfel dih hnu ah rian an pek te hna lai i anmah tangka tein an sak lai. An sak dih in a khaan kha an zuar te lai i cu a man tu cu a su tu nih lak a si ko lai” tiah sipin Committee Pu Biak Tha Cung nih TCP ah a chim.

Thantlang Market muisam suai chung mi ah doh thum le cheu a si lai i a tang bik ah motor 20 tluk chiahnak hmun aa tel chih lai. A chunglei ah khaan 100 tluk a um lai tiah theih a si.

About The Author

Na ruahning rak langhter ve.. (Leave a comment)

%d bloggers like this: