Thantlang Motor Dinhnak A Cettuk Caah Motor Le Cycle Chuah Luh An I Harh
Salai Elvis| 2018 June 14| Pehtlai in ruahpi a sur caah Thantlang khuachung motor dinhnak hmun cu aa nawn tuk pin ah a cet tuk caah motor le Cycle chuahluh an i harh ngai tiah theih a si.
“Sipin nih zohfelnak kan ngei ko. A hmun hma a rawnh deuh caah vunluhnak zawn khin tlawm te cheng deuh in tuah i luti a luan khawh nak dingah luti ziahnak theng (ka-rai-na) in tuahpiak ding bawmh kan hal lio hna a si. Cu dih in lungla mi Company sin ah bawmh hal in lungphah ding zong timhtuahnak kan ngei ko” tiah sipin committee Pu Ngun Er nih TCP ah a chim.
Motor dinhnak tuahmi cu ruah a sur paoh ah ti a zut i, inn chung ah ti aa dil tawn caah motor gate ngeitu hna nih anmah tein camphio in an i kham chom.
“Ruahpi fak deuh a sur paoh ah an kan pheh i inn chungah ti aa dil tawn a tu cu kan remh i aa ning deuh. Inn ka zong a bi tuk i thil ngandeuh chiah kan duh ah aa tlum ti lo i lengah kan chiah hna. A tu zong hnawm an kan hlawnhpiak lo nak zarh hnih chung a si cang i hnawm aa pong ko” tiah motor gate hngaktu ngaknu pakhat nih TCP ah a chim.
About The Author
