Chinram Motor Le Cycle License Um Lomi Paoh Tlaih Le Chuhding In Nawl An Chuah

City Hunter| 2018 June 14| Chin ramkulh motor, cycle le lam ral in i runven khawhnak ding caah license a um lomi motor le cycle paoh a ralaimi July 2 thawk in tlaih dih ding le chuh dih cang ding in Chin ramkulh cozah nih nawl an chuah. Cu nawl an chuahmi ahcun a tanglei bantuk in an langhter.

1. Chin ramkulh motor, cycle le lam ral in i runven khawhnak ding caah license um lomi motor, cycle paoh July 2 thawk in ti-se upadi ning in tlaih le dantatnak kan tuah cang lai.
2. Cu a si caah June 11 thawk in July 1 tiang na cawkmi license um lomi motor, cycle paoh na umnak peng hoih in sermi peng dirhmun license tawlrelpiaktu phu (Uknak lei penguk zung_htwe-oh) sin ah tangka na liam lai i tualchung license ngah khawhnak tiang kan in tawlrelpiak lai.
3. June 11 in July 1 tiang license um lomi motor le cycle na cawk/ na ngeih sual ahcun na umnak peng hoih in sermi tlaihkhihnak lei tawlreltu_ penguk zung ah pel lo te in na va ap lai. Na ap lo sual ahcun license um lo motor le cycle a cawtu paoh ti-se upadi ning he fakpi in dan kan in tat cang hna lai.

Cycle a zuarmi dawr pawl zong a tanglei bantuk in ralrin peknak thawng an thanh chih.
1. Cycle zuar khawhnak license naa ngeih lai.
2. License tuah ciami cycle lawng na zuar lai.
3. Kah-ngiah-nah zung in license pekmi number cakhenh chuahpiak hlan chung caankarlaknak hman awk number cakhenh na tuahpiak lai.
4. Kah-ngiah-nah zung in license number pekciami cycle lawng na zuar lai.
5. Kah-nyiah-nah zung in license number aa tel lomi cycle na zuar ahcun ti-se upadi ning in dantat na si lai tiah an langhter.

Chin ramkulh hluttaw nih Chinram he aa tlak in motor, cycle le lam zulhphung le phungphai an fehter cangka atu bantuk in license ngei lomi dantat ding le tlaih dih ding in nawl an chuah hi a si. +++

Na ruahning rak langhter ve.. (Leave a comment)

%d bloggers like this: