Thantlang Pengtlang Pumpululhchuih Zuamnak Le Chin Miphun Ni An Peh Lai

0

Salai Elvis| 2018 January 25| Thantlang pengtlang pumpululh chuihzuamnak (taung-caw) le avoi 70nak Chin Miphun Ni pehfonh ding in timhtuahnak an ngei tiah tuanvo ngeitu sin in thawng kan theih.

“Pengtlang pumpululh chuihzuamnak (taung-caw) a dih bak in Chin Miphun ni kan peh colh lai. Pumpululh chuih zuamnak (taung-caw) le Chin Miphun ni tuahnak caah hin Budget sing 150 kan suai chung mi a si. Pumpululh chuihmi caah an umnak le an eiding kan rin dih hna lai. Taung-caw pakhat caah angki, bawngbi le kedan tling tein sing 15, an ei-dinnak caah a tlawm bik sing 3 le a tam bik sing 4 kan rin hna lai.  Pengtlang pakhat ah a tlawm bik sing 30 dih in kan suai i kha pin ah anmah le pengtlang cio nih fund an i kawl ve lai” tiah tawlreltu Pu Ram Khar nih TCP ah a chim.

“Chin Miphun ni hlan ah pumpululh chuihzuamnak tuah a si hmasa lai i February 19 ah dih dingin timhtuah a si. Hi zan lila ah nuamhnak (show) tuah a si lai i pengtlang kip in laam le hmunsaknak phunphun a um te lai. A thaizing ah Chin Miphun ni pehcolh a si lai” tiah Pu Ram Khar nih a chim.

Thantlang pengtlang pumpululh chuihzuamnak cu kum saupi tuah lo in um a si hnu ah a tubantuk in penguk zung nih a thar in an tuah than hnik hi a si. Thantlang peng ah Pengtlang pa 9 a um tiah theih a si. +++

About The Author

Na ruahning rak langhter ve.. (Leave a comment)

%d bloggers like this: