June 17, 2024

Thantlang Sii-inn Cu Chin Ramkulh Chung Ah Zohchuntlak Bik Sii-inn Ah An Thim

0

Salai Elvis| 2018 April 24| Chin ramkulh peng pakua lakah 2017 kum ca zohchuntlak bik sii-inn ah Thantlang sii-inn cu ramkulh cozah nih a thim i minthatnak roca an pek tiah theih a si.

April 7 ah hi roca cu an pek hna i April 24 ni ah lawmhnak caah sii-inn riantuantu hna le sii-inn committee hna rawldumtinak zong an tuah.

“Ramkulh cozah nih zohchunh awktlak sii-inn (san-piah) pek hlan ah tampi rikhiahmi le zulhphung an zoh fek hnu ah a tubantuk in Thantlang nih kan hmuh hi a si. Hmailei zong ah hi nak tha in kan i zuam lai i minthatnak an kan pekmi thawng in thazaang tampi kan la chin ve lai. Ramkulh cozah nih an zohning hi thilri chiahning a tha maw, an thianghlim maw timi tampi an zoh hnu ah aa tlak ko tiah pekmi kan si” tiah Dr. Van Van nih TCP ah a chim.

Atu bantuk in zohchunhtlak sii-inn minthatnak an pekmi hna hi atu a voikhatnak bik an hmuh a si. 2017 kum ah Chinram chung ah zochunhtlak sii-inn an thimmi hna cu taih-ne siiz-inn ah Rihkhawdar, Kawlram pi huap (Center level) ah Tonzang (pyithu sii-inn)le ramkulh huap in Thantlang sii-inn hi thim an si tiah theih a si.

Thantlang sii-inn cu ihkhun 25 ummi a si i, a tu lio sii-inn ah riantuantu minung 49 an si i hi chungah Dr. siibawi caantling riantuantu 2 an um tiah theih a si.+++

About The Author

Na ruahning rak langhter ve.. (Leave a comment)