Thayetchaung Ah SAC Ralkap Nih Hmunhma An Khuarnak Sakhaan An Lak I An Khangh Beh
The Chinland Post | 2023 June 16 — Taninthary ramṭhen, Dawei pengkomh, Thayetchaung peng, Thayetchaung khua nichuah chaklei meng 2 aa hlatnak ah a um mi SAC ralkap le pyusawhtee nih hmunhma an khuarnak sakhaan pakhat cu PDF phufonh pawl nih an lak i an khangh beh tiah Thayetchaung peng PDF sin in thawng theih a si.
June 12 zinglei sml 5:00am hrawng ah cu SAC ralkap le pyusawhtee nih hmunhma an khuarnak sakhaan doh hna i SAC ralkap, pyusawhtee pawl an zaam dih caah sakhaan an lak khawh i sakhaan chung in walky talky 2 telh in raltuknak thilri pawl an lak khawh leng ah sakhaan zong an khangh beh tiah thawng theih a si.
Thayetchaung peng PDF phu pawl a si mi Daung Min phu, Dawei Naga Company 2, Dawei thlanglei PDF, Thayetchaung khua PDF phu hna bawm in kahdohnak an tuah hi a si.
About The Author
