Theinzayet Ah SAC Ralkap Gate An Kah Hna I SAC Chungtel 2 An Thi, Salingyi Ah SAC Tilawng An Kah
The Chinland Post | 2023 July 4 — Mon ram, Kyaikto peng, Theinzayet khua SAC ralkap gate an kah hna i SAC chungtel 2 an thi tiah Dothlennak phu pawl nih an langhter.
July 4 zinglei sml 10:30am hrawng ah Theinzayet khua, hriamngan ralkap 310 Battalion hnulei ah a um mi SAC ralkap gate PDF phu pawl nih an kah hna caah SAC chungtel 2 an thi, 1 aa hliam tiah theih a si.
Kahdohnak mins 8 tluk a rau i SAC 321 hriamngan ralkap nih 81MM lung 8 an thlah caah mipi umnak sang lei ah a tla i a puak tiah theih a si.
Cubantuk in July 3 zaan sml 8:00am hrawng ah Sagaing ramṭhen, Salingyi khua in a rak chuak mi SAC ralkap le pyusawhtee 80 hrawng nih Paungwa tilawng dinhnak in Monywa lei ah tilawng in a rak kai lio ah PDF phu pawl nih an kah hna tiah Hero Fighter (Salingyi) nih a thanh.
Hero Fighter (Salingyi), Chindwin Dynamite, Fighter 9 Force le adang PDF phu tampi fonh in kahdohnak an tuah tiah theih a si.
About The Author
