Thimfung Thla Kho Tu Nih Thimfung Thlak Hlan Ah Zeidah Theih A Herh Zei Dah Ruatcia A Herh? (Part-1)

Salai Bawi Lian Sang| TCP-Kalay| Thimfung Thla Kho Tu Nih Thimfung Thlak Hlan Ah Zeidah Theih A Herh Zei Dah Ruatcia A Herh? (Part-1)

MP Candidate

Thimnak konglam a suallam cu kan umnak peng aiawh tu palai thim kha a si ko.

Myanmar thimnak upadi ah Pyithaungsuh hluttaw, Amyotha hluttaw, Ramthen/Ramkulh hluttaw tiin hluttaw candidate minung (3) thim a si.

Me zung pakhat ah Pyituhluttaw, Amyothahluttaw, le Ramthen/Ramkulh tiin MP candidate (3) thim a si lai. Tlangcungmi minister a umnak ah hen cun MP candidate (4), tiang maw thimfung thlanak a um lai.

Mah bantuk hmunhma ah a ummi nih party kip aa zuam dingmmi MP candidate hna zeitin dah kan thim hna lai ti theih hma sa a hau.

2012 kum hluttaw he pehtlaimi upadi ah – hluttaw palai cu thimnak aa zuam dingmi peng ai awh tu an si bantuk in an zuamnak peng mipi nih upa hmai zah mi le a zuamnak peng thanchonak planning (chunmang angei tu) peng chung uknak, Sipuazi caah mipi ruatning le hmuhning a tuan tik ah peng uk tu hna he ceihhmai kho tu a si lai tiah upadi ah a um.

Cucaah mah nih thimding mi palai hi khua le ram nih upat mi, cozah zung, khua nu khua pa nih pochan mi a si lai. Rian a tuanmi, rian a tuantik ah qualify mi a si bantuk in mipi nih upat mi a si herh.

Hluttaw palai nih zei dah a tuan lai?

Pakhatnak rampi huap,ramthen/ramkulh dirhmun ah party policy ning in zulh le tuan ding a si lai. Thiamnak teitu palai nih cun party policy a tha chimchim nak ding le mipi lungthin he aa tlakmi ruatnak pe kho tu, a bawmchan kho tu si ding in a zuam peng a hau.

Cun, Palai a tlingnak hmun mipi chit/thatnak le thanchonnak caah a bawmchan kho tu si a herh. Party lutlai hna nih peng/khua/sang kip ah zei dah a cang ti/harnak an tonmi an thei dih lai lo caah MP a tlingnak peng le khua mipi caah tuanvo ka ngei ti a theih peng ding a si hau. Party lutlai morhphurh ding a si lai lo.

Peng nih thimding mi Palai pedan tahfung

Nihin a tuancuahmah mi hluttaw Palai nih a luan cia kum(5) chung ah an tlingnak peng le khua caah zei thathnemnak atuah. Kum(5) chung ah mipi he voi zeizatdah ton bia ruahnak a ngei. Mipi au-aw zeitluk in a tuan. Kum(5) chung ah hluttaw ah a tlingnak peng nih a herh pau mi biahalnak voi zeizah a chim rel. Rampi thanchonnak ah voi zeizah a chim rel.
Nihin MP a tuan lio mi le a tu aa zuam ding mi palai hna nih a umnak peng thanchonnak le mipi caah thathnemnak caah hruaining policy a ngeihmi bia halnak ngeih bak ding. Fiang te in a chim kho maw?
A hlun cia kum (5) ah zei hmanh a tuah kho lo, a ra ding kum(5) can zong ah zei ka tuah lai tiah fiang te in a chim rel kho lo ah cun a party caah ruatnak tha zong a pe kho hlei lai lo I khua le ram caah zei hmanh a tuan kho lai lo ti kha theih cia a herh.
Party dawt ruang ah zeihmah santlainak a ngei lo mi thlakhat ah kyat sing(10) pek in thim a si sual ah cun ram tang ka sungh a si hlei ah peng le khua thanchona a don kham tu a si lai i mipi nih thimfung tlak tik ah mizei dah ka vote(thim) lai ti hi ruat hrim hrim a herh.