Timit hlei saknak ding caah tiah ruahmi rianṭuannak mawṭaw le ralkap mawṭaw Falam an phan
The Chinland Post | 2022 July 7 – Hakha le Thantlang karlak lamcung ah a ummi Timit hlei sersiamnak ṭhannak caah tiah ruahmi rianṭuannak mawṭaw 4 le ralkap mawṭaw 28 cu July 5 ah Falam khuapawng Var hlei an phan tiah theih a si.
Rianṭuannak thilrii pawl a phormi mawṭaw cungah thing, thir le rua pawl an phorh tiah Zalen nih a langhter.
Nikum ah SAC ralkap nih Thantlang khua an khangh hnu ah Timit hlei cu CDF nih an hrawh caah Thantlang khua ah hmunhma a khuarmi SAC ralkap pawl herhmi eidin le hriam cu helicopter in kuat an si.
Cu SAC ralkap pawl cu June 29 zinglei ah Kalay in a rak kaimi an si.