Tita Lei Kahdohnak Ah CDF 2 An Nunnak A Liam
The Chinland Post | 2023 July 3 — Chin ramkulh, Hakha le Thantlang karlak, Tita pawnghrawng kahdohnak ah CDF chungtel 2 nih ram le miphun caah an nunnak an pek tiah thawng theih a si.
Tuzing sml 3:00am hrawng ah SAC nih kahdohnak Jet vanlawng in Tita lei ah bom voi 2 a thlak lawng siloin, hriamngan bawm in SAC ralkap pawl nih vawlei lei in an nam hna caah CDF-Thantlang hriamtlai 1 le CDF-Zophei hriamtlai 1 an nunnak a liam i 5 an i hliam tiah thawng theih a si.
A nunnak a liam mi hna hi Salai Tawk Hlei Thang (CDF-Thantlang) le adang pakhat hi a fiang in theih a si rih lo.
A luancia May thla dongh thawk in SAC ralkap pawl nih Hakha in Thantlang khua lei panh in kahdohnak an tuah i Timit pawnghrawng le Lungkhar tlang thluan ah nifatin in kahdohnak a rak fak.
SAC ralkap pawl nih Thantlang le Hakha karlak ah a hmunhma a khuar mi CDF phu pawl hrawh dih cicek hnu ah Thantlang khua lut kho in ralkap thazang chap le Thantlang khua an kuttang ah uk kho ṭhan ding hi an i timh mi a si tiah Salai Htet Ni nih a rak chim.
About The Author
