Tonzang Khua Kahdohnak Ah Khuachungmi Pakhat Le Mipi Ralkap Pakhat An Nunnak A Liam
Salai Mangpau | August 2, 2023– Tonzang khuachung ah kahdohnak a chuak ṭhan i kahdohnak ah mipi ralkap pakhat le khuachung mi pakhat nunnak a liam i, Mipi ralkap lei 3 le khuachungmi 3 hliamhma an tuar, khuami sin in theih a si.
Tuan deuh thawngtheihnak ahcun, CDF Hualngoram in ralkap Tv. Lalramchuana Kum 30 a nunnak a lian i, mipi ralkap lei in mi 3 zong hliam a pu tiah theih a si. SAC lei a thimi le hliamtuar mi theih an si rih lo.
August 2, zinglei lei suimilam 4:00 hrawng in Chinram mipi ralkap phufonh le Tonzang khuachung ummi SAC ralkap hna cu an i kap i kahdohnak an ngol hnu ah, Tonzang khuachung palik sakhan pawng ummi nupa hna cu cycle in an tlik lio ah, sakhan ummi ralkap nih an kah hna i Mualpi khuami Pu Mang Siang Cing (kum 27) cu a nunnak a liam. Cu pinah a nupi cu a paw ah meithal kuan nih a hliamh i, hngakchia kum 8 le kum 12 zong hlian an pu tiah theih a si.
Mah kahdohnak ah CAN, PDA, CDF-KKG, CDF- Hualngoram, CDF- Tonzang phu hna nih kahdohnak an tuah hi a si. Kan hnu zarh ah CDF-Tonzang, CNA le mipi ralkap tamrual phu hna nih kahdohnak kan tuah lai tiah Tonzang mipi sin ah Zo holh le ca in ralring peknak thawngthanhnak zong an rak ngei cang tiah theih a si.#
About The Author
