Tonzang Khuapi Chung, SAC Ralkap Futsal Pumpululh Chuih Zuamnak Ah ZRA Nih Security An Lak
The Chinlandpost | December 3, 2023 — Chin ramkulh, Tozang khuapi chung ah “Sweet December Cup” lawmhnak ah SAC ralkap nih Futsal pumpululh chuih zuam lentecelhnak ah SAC ralkap, palek le ZRA hna nih Security lak in puai an tuah tiah Zoland Voice sin in theih a si.
November 28 in December 2 tiang SAC ralkap Futsal pumpululh chuih zuamnak cu Non-CDMers, khuachung pastor bu le khuachung mino phu tiah pumpululh chuih zuamnak cu an tuah.
December 1 ni Sweet December Cup ah cun hla saknak zong an telh chih.
A luancia August 31 ah Tonzang SAC Tahkung ralkap le ZRA tangti in CDF-Tonzang Battalion 3 ah an va kah hna i, mah kahnak ah CDF-Tonzang ralkap zong an rak tlaih. Mah ni ah ZRA hriamtlai hna nih Tonzang um CDM a tuah tu zong an velh hna tiah theih a si.
Cun, August 28 ni ah ZRA hriamtlai nih Tonzang EBC Khrihfabu saya pa pakhat zong an velh.
ZRA hriamtlai nih SAC ralkap he dohkahnak tuah loin, nihin ni caan ah Tonzang khuapi cu pumpuluih chuih zuamnak lentecelhnak ah Security an lak piak than rihtiqh Zoland Voice -ZVTV nih November 3 ni ah a langhter.
Phot++o – CJ
About The Author
