SAC Ralkap Lei Brigadier/Colonel/Lt. Colonel Le Major Telh In Ralbawi 13 An Thi, Ralbawi 11 A Nung Tlaih In An Si
SAC Ralkap Lei Brigadier/Colonel/Lt. Colonel Le Major Telh In Ralbawi 13 An Thi, Ralbawi 11 A Nung Tlaih In An S
The Chinlandpost | December 3, 2023 — Chaklei Shan ramkulh ah 1027 operation thawk hnu November thlachung kahdohnak ah SAC ralkap lei Brigadier/Colonel/Lt. Colonel le Major telh in ralbawi 13 an thi, ralbawi 11 a nung tlaih an si i, ralbawi a thi mi chung in Captain ranks 6 an I tel, 4 a nung in tlaih an si tiah theih a si.
- Brigadier/ Colonel Aung Kyaw Lwin (DSA Batch-41)
Meikthila hrambunh LIB 99 Brigadier/Colonel Aung Kyaw Lwin (DSA Batch 41) cu November 5 ni Kyunlun peng, Panlun Byuhakung kahnak ah a thi.
- LIB 113 Deputy Commander Lt. Colonel/ Major
LIB 113 Deputy Commander Lt. Colonel/Major cu November 6, Kyunlun peng, Panlun Byuha kung kahnak ah a thi.
- LIB 97 Major
LIB 97 Major cu November 7 zaanlei caan Kawkareik peng, Tahmah 44 kuttang um LIB 97 cu drone in kahnak voi 6 leng a can lio ah Major le Body guard 1 le ralkap 1 an thi.
- Battalion Commander Lt. Colonel
November 13 ni Mon ramkulh, Kyaikmayaw peng, Chaunghnakhuah lei ah ral doh a kal mi Tahmah 22 kuttang ralkap 50 chung ah 23 cu mipi ralkap sin ah a sung pek in hriam an chiah. Mah kahnak ah Commander le ralbawi 14 an thi, ralbawi 1 telh in 5 a nung in tlaih an si, cun rallbawi 1 le ralkap 8 an tlau tiah NUG sin in theih a si.
- LIB 425 Commander Lt. Colonel
Karenni ramkulh, 2023 November 13 ni Loikaw University hmun kahnak ah LIB 425 commander le deputy commander telh in battalion an dih lak dengmang an thi, LIB 6 zong battalion cheuhnih cheukhat an thi.
- LIB 425 Major
Karenni ramkulh ah 2023 november 13 ni nikhat chung Loikaw University hmun kahnak ah Major pakhat a thi. LIB 6 zong battalion cheuhnih cheukhat an thi.
Colonel Tin Aung Moe (DSA Batch 43)
2023 November 19 zan ah PSLF/TNLA nih Muse peng -105 mile kahnak ah MOC 17 Byuhahmu, Minepan hrambunh Colonel Tin Aung Moe- DSA Batch 43 cu Drone thlak hnawhnak ah a thi tiah NUG sin in theih a si.
- Major Aye Chiang
2023 november 23 zing 8:45am ah Kawkareik peng LIB 97 battalion in Deputy commander Aye Chaing cu Kyarinn seikkyi peng, Phayatungsu Checkpoint pawngkam Beauty Parlour dawr pawng Sniper kahnak in Major pa cu a thi.
- Major Soe Win Htet
Chin ramkulh Matupi pengkomh Lailenpi khua kahdohnak ah Major Soe Win Htet telh in 3 an thi, a dang cu India ram lei ah an zaam.
- Lt. Colonel Aung Zwe Yar Win (DSA Batch 45)
Commander LIB 79 Meikhtila Tahmah 99
November 26 ni Muse peng, Lunkhan ralkap sakhaan kahnak ah Lt. Colonel Aung Zwe Yar Win (DSA Batch 79 Commander a thi.
- Lt. Colonel Myo Ko Ko Win
Mon ramkulh, Kyaikmayaw Chaunghnakhuah ralkap sakhan cu KNLA hruainak in mipi ralkap nih kahnak ah Banlaw-Tarnintarri khua hrambunh LIB 557 commander Colonel Myo Ko Ko Win a thi. Amah a thih hnu ah Lt. Colonel in Colonel rank ah an kai ter i Tihatuyah boih an pek tiah theih a si.
- LIB 579 Mineset hrambunh Commander Lt. Colonel
TNLA le tangti mipi ralkap nih Kyaukme gate cu November 27 ah an kah hna i LIB 579 battalion commander pakhat a thi.
- Military region 4, Karen ramri hngak Major a thi
Mon ramkulh, Kyaikmayar peng Taungkalay palek sakhaan chaunghnakhuah ah bawmhnak pek ding a ra mi ralkap phu hna cu November 27 ni ah an kah hna I SAC Captain 1, ramri hngak Major 1 telh in 11 an thi.
Hliamtuar mi 4 hna lak ah
- LIB 19 in Lt. Colonel Kyaw Min Tun
- LIB 556 in Lt. Colonel Win Naung Tun
- LIB 557 in Lt. Colonel Khant Naung
- Nahbaha 2 in Colonel Zaw Lin Tun
November 16 zaan 5:30pm kahnak ah Mawlamyaing, khuachung South-Eastern Command ah puai an tuah lio ah Alpha bu le ERO tangti phu ni Suicide Drone 2 in kahnak ah Nahbaha 2 in Colonel Zaw Lin Tun le Ralkap 11 hliam an tuar.
- Minpia in Major
November 13 zing 8:00am ah Minpia peng, Phapyoawt khua pawngkam Union lampi ah AA ralkap hna kahdohnak an tuah i SAC lei Major 1, Captain 1 cu AA nih a nung in an tlaih hna.
- Chin ram in Major
Chin ramkulh, Rihkhawdar peng kahnak ah Major pakhat le a ralkap 7 cu November 13 ah hriamnam chiah in a sung an pek.
- LIB 432 in Major/Captain Pyo Myint Naing
November 13 ni Kareni kahdohnak ah No. 432 Sishan peng in Major/ Captain Pyo Myint Naing hriamnam chiah in a sung a pek.
- LIB 6 in Major/Captain Kaung Myat Ko
November 14 ni Loikaw University kahnak ah LIB 6 in Major Kaung Myant Ko hruaimi ralkap 32 hriamnam chiah in a sung an pek.
- Lt. Colonel Thu Yah
November 18 ni ah Lt. Colonel Thu Yah cu MNDAA nih a nung in an tlaih.
- Major Khaing Thant Moe ( DSA Batch 44)
November 19 ah Karenni tangti ralkap phu nih thawk mi 11.11 operation ah November 11 ni ah SAC ralkap vanlawng K-8 pilot Major Khaing Thant Moe cu a nung in tlaih a si.
- Hakha LIB 266 in Major
November 21 ni Chin ramkulh, Tedim peng Kanedy tlang sakhaan laknak ah SAC ralkap 3 an thi, Major 1 telh in mi 13 a nung in tlaih an si.
- Major Tan Naing
Sagaing ramthen, Kalay thlanglei, Yan Kyi Aung khua hrambunh ralkap 50 cu November 11-13 ah 20 leng an tli. November 23-24 kahnak ah a tli mi ralkap cu mipi ralkap nih an kawl hna hnu ah Major Tan Naing cu Myotha khua pawngkam leikuang ah an tlaih.
- LIB 69 in Commander Lt. Colonel (Theinni)
November 27 ni Kokang ram um Sishanchi, Tashwethang khuakonh, Shaungpaaingyan kahnak ah MOC 16 kuttang LIB 69 commander cu a nung in tlaih a si.
- LIB 125 Commander Lt. Colonel ( Konkyan peng)
November 28 ni Kokang pengkulh Konkyan peng hrambunh LIB 125 battalion dihlak cu hriamnam he an zapi ralkap 272 cu an dihlak in mipi sin an rak i fonh tiah MNDAA sin in theih a si.
- Commander Lt. Colonel
November 29 ni ah Commander Lt. Colonel telh in ralkap 40 cu Matupi peng Rezua khua kahnak ah tlaih a si.
Crd: Khit Tit Media
About The Author
