Tuluk Ram Ah Phungning Loin Kalnak A Tuah Tu Puaisa Dandatnak An Pek Hna Lai

Salai CungCung|2019 Setpember 9| Ramleng riantuannak  lisence ngei lo in le Chin mi pathum cu tangka tampi lak in Tuluk ram lei ah a kua tu puaisa minung pahnih cu an mah pumpak nih Falam Palek zung ah a hmuh (Case) a hun piak hna tiah kan theih.

Hi thil sining pawl cu, Kalay um Mg Lal Ram Lian le anu pi Biak Ram Par cu Falam khua ah an rak phan i Tuluk ram ah kal in rian hmuh khawhnak le tangka hmuh khawhnak kong an chimh hna. Cun kalnak man ah Kawlram tangka in Kyats 150,000 nan pek lai i thlakhat Tuluk tangka 4000 nan hmuh lai tiin an lem hna tiah kan theih.

Cu ti an chimh hna le an lem hna hnu ah Falam khua minung pathum cu minung pakhat nih tangka 150,000 cio thawh in Lal Ram Lian le anu pi Biak Ram Par nih an va thlah hna i Tuluk ram ah ni 7  lawng umnak nawl an tuah piak hna hnu ah Tuluk ram lei nih an rak khuat than hna hi a si. Hi minung pathum hna cu Tuluk ram ah an rian tuanmi cozah upadi he ai ralkap mi a si caah Kawlram lei an rak kir than i a tubantuk in puaisa minung pahnih a hmuh (case) tuah ding in an timhtuahnak hi a si.

Hi puaisa Lal Ram Lian le Biak Ram Par hna cu palek lei nih poh-mah 26 in case an hun piak hna i tu hi an pahnih in an zaam caah Falam palek nih an kawl lio pi hna si. “Mah puaisa minung pahnih cu tu hi kan kawl lio pi hna an si. Va tlaih ding ah kan kal i an inn ah um lo in an rak zam cang. Cucaah an khua bawipa le an nu le pa sin ah kan chim hna” tiah Palek bawipa nih a chim.

“Tu lio kan mah Kawlram cozah nih Agency tiin kan tuah mi ram pawl cu, Singapore, Japan, Korea, Thailand , Malaysia an si. Tuluk ram cu kan mah Kawlram caah kan Center a si.  Cozah lei nih Tuluk ram cu riantuan ding in siseh, pakhat pakhat bawmh hal le a dangdang zong in zeitin hmanh in kalnak nawl pek a si lo. Cucaah kan mah lei nih kan chim duh mi cu Tuluk ram ah cun riantuan ding kal hrim hlah uh” tiah a cunglei upa nih a chimchap. (Ref.Khonumthung)

 

Leave a Commnet

%d bloggers like this: