Vice President Nih Tikir Dam le Thantlang Guest House Hunnak Tuah Khawh A Si Cang

Salai Elvis| 2018 January 30| Vice President Pu Henry Van Thio cu Febuary zarhkhatnak ah Laitlai a tlawng lai. Hi chungah Thantlang Guest House le Tikir Dam (tikham) hunnak tuah ding in tuanvo ngeitu an i manh cang tiah thanwg kan theih.

“Tikir Dam le Thantlang Guest House cu Vice President nih hunnak a tuah duh ahcun tuah khawh ding dirhmun an si cang. Tutan a rak tlawn ah hunnak a tuah lai maw timi cunglei nih an timhtuah ning tu cu ka hngal lo” tiah Thantlang peng, Sipin Committee haotu Pu Ram Khar nih TCP ah a chim.

Thantlang Guest House cu nikum February thla ah Vice President Pu Van Thio a rak tlun lio ah khuanu/pa nih rak halmi a si i ks. sing 5000 leng dih in an sakmi a si. Tutan a rak tlun zongah riah khawh a si cang lai tiah theih a si.

Tikir Dam zong hi ramkulh cozah Budget tel lo in a dang tein MMK 2 billion dih in an tuahmi a si. Vice President Pu Henry Van Thio cu a riantuannak chungah a tu hin avoi hnihnak Thantlang a phak a si lai. Tutan a kualtlawnnak ah a bik in Laitlang lam le sul le thanchonak kong a zoh lai tiah theih a si. +++

Leave a Commnet

%d bloggers like this: