Chin Ramkulh Tedim Peng Ah Bengali Minung 4 An Tlaih Hna

Chinram ah Bengali 4 tlaihmi/ Photo: Nghepi

City Hunter| 2018 January 31| India ram, Mizoram lei in a rak lutmi Bengali minung 4 cu Chin ramkulh Tedim peng, Mualbem khua pawng, January 31 zinglei suimilam 1:30 tluk ah palek nih an tlaih hna tiah theih a si.

India-Myanmar No.2 chawlehtharnak sakhaan Rihkhawdar in Sagaing ramthen Kalay lei ah cycle carry pahnih hlan in thlithup a rak lutmi kum 20 hrawng a simi Bengali nu pathum le pa pakhat cu Tedim peng, Mualbem le Leidawh khua kar ah kan tlaih hna tiah Falam palek zung in Ye-oh Lay Hlaing nih a chim.

“Tedim peng, penguk bawi (auh-choh-zi-hmu) nih Falam peng palek zung thawng a kan thanh i kan kawl colh hna. Tu zingka suimilam 1:30 hrawng ah cycle carry a phortu minung pahnih telh in Bengali minung 4 kan tlaih hna” tiah Ye-oh Lay Hlaing nihcun a chim.

Atu hi Bengali 4 le cycle carry tuahtu minung pahnih cu Falam palek sakhaan ah an tlaih hna i an chekhlat ko hna nain holh ruang ah harnak an tong i zeihmanh an hal kho hna lo tiah Lay Hlaing nihcun a chimchih.

India-Myanmar ramhnih No.2 chawlehthalnak lampi a simi Rihkhawdar in Bengali pawl cycle carry in Kalay lei ah i phorhnak hi nikum zong ah a um bal cang tiah theih a si.
Ref: Khonumthung News

Leave a Commnet

%d bloggers like this: