Video (Muicawl) a thlami U Aye Aye Kyaw SAC ralkap nih an thah
The Chinland Post | 2022 August 1 – Sagaing ramṭhen, Sagaing khua, Aungchiantha in hmanthlak le video a thlatu U Aye Aye Kyaw cu SAC ralkap nih July 30 zinglei ah an tlaih i a zaanlei ah a ruak an hlonh i a chungkhar nih a ruak an char hnuah an fim tiah U Aye Aye Kyaw hawipa nih Yangon Khit Thit ah a chim.
Sagaing hrambunh SAC battalion 33 nih U Aye Aye Kyaw cu July 30 chun sml 2:00pm hrawngah a inn ah an rak tlaih i a zaanlei sml 4:00pm hrawngah a ruak in an rak hlonh i a chungkhar nih an char ṭhan tiah a langhter.
Battalion 33 nih zeiruangdah U Aye Aye hi an tlaih/thahmi timi a ruang theih a si lo.
Cun Sagaing hrambunh battalion 33 nih an zumh lomi mipi pawl an tlaih/thah hna i an ruak an hlonh hna. An chungkhar nih an ruak an char ṭhan tawn tiah Khit Thit nih cun a langhter.
“Nizaan ah battalion 33 nih mipi 3 an thah hna tiah kan theih. An hlonh cangmi ruak pawl an charmi internet cungah tar hlah uh tiah an tlerh hna. Battalion 33 nih a thahmi hna hi PDF an si ruangah tiah a thah hna. Biahalnak ah an thah hna. Zaan ah an eiding in an laam tawn. Mi theih lo tein an thahmi hna zong a um” tiah khuami hna nih Khit Thit ah an chim.
About The Author
