Wawlay ah bawmhnak pek ding in a kalmi SAC ralkap an kah hna, Major telh in 19 an tlaih hna

The Chinland Post | 2022 October 17 – Karen ram, Kyainseikgyi peng, Tage khua pawngah SAC ralkap pawl cu KNU kuttang phu le PDF pawl nih an kah hna i Major telh in ralkap 19 a nung in an tlaih hna tiah Karen ram hramhbunh PDF phu sin in thawng theih a si.

SAC ralkap pawl cu KNU Brigade 6 kuttang le Red Dragon phu nih October 15 zaanlei sml 3:00pm hrawng ah voi 2 an kah hna tiah PDF pawl sin in thawng theih a si.

SAC ralkap pawl cu Myawaddy in Wawlay lei ah a kal ding an si i KNU le PDF nih an rak bawh hna.

Kahdohnak hi October 15 ah sml 2 a rau i October 16 ah ah sml 6 chung kahdohnak a fak.

Kahdohnak chung ah No. 358 in ralkap 6 an thi i Major 1, Captain 2 le Warrant Officer telh in ralkap 16 hriam he an tlaih hna i SAC ralkap 23 an zaam tiah an thanh.

Kahdohnak chungah MA1 rifle zuun 7, MA2 rifle 2, MA3 zuun 7 le M4 zuun 2, 60MNM bom kuan telh in hriam tampi an lak khawh tiah KNU le PDF nih an thanh.

Na ruahning rak langhter ve.. (Leave a comment)

%d bloggers like this: