Hakha khuapi ah a ummi GAD zung a kaang

The Chinland Post | 2022 October 18 – Chin ramkulh, Hakha khuapi zaan sml 1:00am hrawng ah hriamngan le meithal thawng a than hnu in GAD zungpi a kaang.

“Zaan sml 1:00pm hrawng ah meithal le hriamngan thawng a thang. Kaphnih karlak kahdohnak a chuak i a si ṭheo lai, an hriamngan thawng cu kan inn zong aa tlerh dih. Caan tlawmpal lo ah GAD zungpi cu a khu i a kaang thluahmah” tiah khuami pakhat nih The Chinland Post ah a chim.

GAD zung innpi cu tam nawn a kangh caah thilri an sungh mi a tam ngai lai tiah zung he aa naihniam mi nih an chim.

Hakha khua ah a ummi GAD zung peng cu fim cawnnak zung, minung zohfelnak zung, peng uknak zung, peng palek zung le peng sipin zung hna aa fonhnak zungpi a si.

A luancia October 15 zong ah Hakha Thar sang ah a ummi pengkomh meithat zung a rak kaang i mei thahnak mawṭaw 2 zong a kangh chih tiah theih a si.

Na ruahning rak langhter ve.. (Leave a comment)

%d bloggers like this: