Yangon In Mandalay Lei A Kir Mi Mino 4 Ralkap Nih Mawṭaw Cung Ah An Tlaih Hna

0

The Chinland Post | 2024 February 13 — Yangon in Mandalay lei a kir mi Taze khuami mino 3 cu SAC ralkap nih mawṭaw cung ah kai in an tlaih hna tiah Khit Thit nih a langhter.

February 13 zinglei ah Yangon-Mandalay a kal mi Express khualtlawng mawṭaw aa cit lio mi mino 4 cu ralkap nih Tada-oo gate pawng ah an tlaih hna tiah theih a si.

“Yangon-Mandalay Express mawṭaw cung (Tada-oo gate pawng) ah Taze peng Kan-htu-ma khua mino 4 cu ralkap nih an tlaih hna. Mino 4 an kum hi 23-24 hrawng a si hna lai i Yangon-Mandalay ah mawṭaw pakhat aa cit mi hawikom rual an si hna” tiah aa naihniam mi nih Khit Thit ah an chim.

SAC nih khualtlawng mipi chung in mino pawl kha lampi ah kham in check le tlaihkhihnak cu February 11 thawk in an tuah thluahmah cang tiah Sagaing le Magway ramṭhen lei thawngpe tu chimnak in theih khawh a si tiah Khit Thit nih a chim fawn.

Hmanthlak – Mawṭaw cung ah mi a check mi ralkap pawl (hmanthlak hlun)

About The Author

Na ruahning rak langhter ve.. (Leave a comment)

%d bloggers like this: