Yangon khua um Cornerstone Baptist Church Senior Pastor nupi le upa 2 an tlaih hna
![](https://i0.wp.com/thechinlandpost.info/wp-content/uploads/2022/08/CBC-Senior-nupi-Nu-Zing_2022-August-9.jpg?fit=640%2C500&ssl=1)
The Chinland Post | 2022 August 10 – Yangon ramṭhen, Shwepyitha khua, Bayintnaung lam pawngah a ummi Cornerstone Baptist Church i Senior pastor a nupi Nu Zing le biaknak lei upa 2 cu SAC palik nih August 9 zinglei sml 10:00am hrawngah an tlaih hna tiah theih a si.
Biaknak lei upa pakhat nih “Ramkhel kong he pehtlaihnak ruangah a si lai lo. Mi pakhat khat nih mah pumpak rem lonak ruangah an kan phuan ruangah biahalnak tuah ding in an kalpi mi hna a si” tiah Media sin ah a chim.
August 9 zinglei ah laam le hla cawnnak tuah lioah palik pawl an rat hi a si tiah a chim.
Palik sakhaan ah kalpi a simi minung 3 chungah Nu Zing cu nau a ngei deng cangmi a si caah a chungkhar hna lungrethei in an um tiah a chim chap.
CBC Senior Rev. Uk Ling Thang cu American ah Ph.D a kai lio a si tiah theih a si.