Paletwa ah datsi 1 litre ah 7,500 le facang tunkhat ah sing 1 deng a phan
The Chinland Post | 2022 August 10 – Chin ramkulh, Paletwa peng ah a luancia August 1 thok in Paletwa-Kyaukdaw ti lam cu SAC ralkap nih an phih caah thilman a kai tuk tiah theih a si.
SAC ralkap nih ti lam an phih zarhkhat leng caan chungah eidin man a let 3 in a kai bantukin datsi 1 litre ah 3,000 a si tawnmi kha atu cu 7,500 a phan i facang tunkhat ah 60,000 a simi kha atu cu 97,000 a phan cang tiah khuami hna nih Western News ah an chim.
Thilman a kai tuk bantukin cheukhat hmunhma hna ahcun facang le adang eidin pawl cawk awk a um lo caah SAC ralkap nih ti lam an awn lo caah kan paam te lai tiah a chim.
Paletwa cu Rakhine ram, Kyaukdaw in Paletwa ah ti lam in thilri rak phorh a si i eidin le adang dang phorhnak caah Paletwa-Kyaukdaw ti lam cu rinhchanh bik a si. SAC ralkap nih Kyaukdaw-Paletwa ti lam a phih bantukin Paletwa-Matupi lam zong phih a si caah ngandamnak lei le eidin thilri a luhchuahnak a pit tiah khuami hna nih an chim.
About The Author
