Ye palek sakhaan an kah hna, palek bawi telh in 3 an thi, M16 zuun 1 an lak khawh
The Chinland Post | 2022 November 23 – Mon ram, Ye peng ah a um mi SAC sakhaan pawng ah Ye peng palek bawi telh in palek 3 November 23 ah kan thah hna tiah Ye Monster phu sin in thawng theih a si.
November 23 zinglei sml 8:30am hrawng ah palek bawi nih a rak cit mi mawṭaw kan kah tiah Ye Monster phu hruaitu nih a chim.
“Ye khua battalion 19 he 20 meters hrawng a hlatnak in kan kah hna. Anmah cu mawṭaw in an rat lio a si. An rat lio ah lam in kan kah hna” tiah Ye Monster phu hruaitu nih a chim.
Cu kahdohnak chung ah M16 zuun 1 an lak khawh tiah a chim.
Ye Monster phu nih September thla chung ah Khawza palek bawi telh in palek 3 cu an rak thah bel cang hna. Cu lio ah sakhaan bawi bik a tleih mi methal telh in zuun 3 an rak lak khawh.
About The Author
