Ye peng ah cycle aa cit lio mi SAC ralkap an kah hna i 5 an thi
The Chinland Post | 2023 January 20 – Mon ram, Ye peng hrambunh No. 317 in SAC ralkap 6 cu January 20 zinglei ah cycle in an rak chuah lio Mawkanin khua lam ah Ye Guerrilla Force nih an kah hna tiah theih a si.
Ye peng, Lamaing khua, Zuathit khua pawng ah sianginn ah hngakchia an va thlah i cycle 3 aa rak kir mi SAC ralkap 6 cu Ye Guerrilla Force nih an bawh hna i mins 5 hrawng an kah hna tiah theih a si.
Cu kahdohnak chung ah SAC ralkap 5 a hmun ah an thi i pakhat fak ngai in aa hliam, mipi hriamtlai lei him tein an kir kho tiah theih a si.
Kahdohnak chung in MA1 zuun 1, MA3 zuun 1 le MA40 hna an lak khawh tiah theih a si.
About The Author
