Yesagyo kahdohnak ah SAC ralkap 6 an thi
The Chinland Post | 2022 October 19 – Magway ramṭhen, Yesagyo peng, Tanpyachaung khua ah a rak lutmi SAC ralkap le mipi hriamtlai phu hna cu October 17 zinglei ah Taung U khua ah sml cheu hrawng kahdohnak a chuak i SAC ralkap 6 an thi tiah PDF-Yesagyo sin in thawng theih a si.
“An rak ratnak lam khan kan hrial hna. Asinain kan hrial hna bu ah kan i tong ṭhan i kahdohnak a chuak. Kanmah lei in Machine Gun in kan kah hna caah 3 a hmun ah an thi” tiah Yesagyo rian ngeitu nih DVB ah a chim.
Yesagyo peng ah SAC ralkap 200 leng hmun 3 ah an i ṭhen i an rak lut. Mipi hriamtlai he kahdohnak a chuah hnu in Taung U khua an khangh tiah a chim.
SAC ralkap pawl cu PDF-Yesagyo, Salinggyi Special Task Force, PDF-Myaing, Urban Underground Revolution Force, Red Dragon telh in Myaing peng hriamngan phufonh hna nih an kah hna tiah a thanh.
About The Author
