Yinpauntaing khua phu cu SAC nih Helicopter 6 in a kah i thazang tampi a chap
![](https://i0.wp.com/thechinlandpost.info/wp-content/uploads/2022/10/SAC-Helicopter_FB-1.jpg?fit=640%2C426&ssl=1)
The Chinland Post | 2022 October 19 – Sagaing ramṭhen, Pale peng le Yinmarbin peng ramri cu raltuknak helicopter 6 in a kah i thazang tampi chap in kahdohnak a tuah tiah theih a si.
October 19 zinglei sml 10:00am luan hrawng thok in kahdohnak Helicopter pawl in a kah. Yinpawngtaing khua, Sinsuai khua, Pahtootha khua lei hoih in a kah i ralkap tampi Helicopter in a chiah hna i khuate pawl ah hriamngan in an kah tiah theih a si.
“Kahdohnak um lo piin an kan kah. A zaam mi nih an zaam i upa, hngakchia le a ngandam lomi pawl cu khuachung ah an tap. An nunnak thinphang an si. Helicopter 6 in an kan kah. A voikhatnak ah 2 in an kah. Adang Helicopter pawl cu ralkap an rak chiah hna” tiah khuami nih Khit Thit ah an chim.
Helicopter in a rak thlakmi SAC ralkap 200 hrawng khuate chung pawl ah an lut tiah a chim.