June 22, 2024

Yesagyo khua, Phaungdawoo sang ah a um mi SAC ralkap sakhaan an kah hna i, SAC ralkap 15 nak tlawm lo an thi

0

The Chinland Post | 2023 February 16 — Magway ramṭhen, Yesagyo khua, Phaungdawoo sang ah a um mi SAC ralkap pawl hmunhma an khuarnak Nyeinzarnyi sakhaan an kah hna i SAC ralkap 15 nak tlawm lo an thi, tampi an i hliam tiah Myingyan Black Tiger phu nih a thanh.

February 13 zaanlei sml 5:00pm hrawng ah SAC ralkap 20 hrawng nih hmunhma an khuarnak sakhaan cu PDF phufonh nih an va kah hna i SAC ralkap tampi an thi, Machine Gun a hmang mi pakhat lawng a tang i sakhaan an lak deng ah bawmhnak tampi an phanh ṭhan caah an kir ṭhan tiah theih a si.

Kahdohnak chung ah Yesagyo khua palek sakhaan, zung kip ah hmunhma a khuar mi SAC ralkap pawl bawmtu ah an rak phan, kahdohnak chung ah a thi mi pawl kha Pyusin mizawphor mawṭaw nih voi 3 tiang a rak thir hna i mipi hriamtlai phufonh lei an him tiah theih a si.

About The Author

Na ruahning rak langhter ve.. (Leave a comment)