Ziphyukone Palek Sakhaan le Gambling Celhnak Hmun Kahdohnak Ah SAC Chungtel 5 An Thi
The Chinland Post | 2023 July 3 — Bago ramṭhen, Letpandan peng, Ziphyukone palek sakhaan le Gambling celhnak hmun cu an kah hna i SAC chungtel 5 an thi tiah BBC nih a langhter.
July 1 zaan sml 11:00pm hrawng ah Letpandan khua ni tlaklei, Aungminkalar khuate ah a um mi Zipyukone palek sakhaan le Ziphyukone tlanglawng dinhnak pawng Gambling hmun cu PDF phu pawl nih an kah hna tiah a langhter.
Kahdohnak chung ah SAC palek Aung Khaing, Than Zaw, adang palek 1 le pyusawhtee 2 an thi i a thi mi palek le pyusawhtee ruak pawl le hliam a tuar mi pawl kha Zipyukone sizung ah an kuat hna tiah theih a si.
Kahdohnak a chuahnak hmunhma ah Ralkap mawṭaw 1 a rak phan i mipi an tlaih hna, Zipyukone bazaar zong an khar i kahdoh a chuahnak Aungminkalar le Sizung lam an phih tiah BBC nih cun a langhter.
About The Author
