2019 Kum Chin Ramkulh Tanghra Sianginn 16 Cu Pakhat Hmanh An Awng Lo
Tawk Tling Thang| 2019 June 11| 2019 kum Chin ramkulh tanghra result a chuakmi ah tanghra sianginn 16 in siangngakchia pakhat hmanh an awng lo, an sung dih tiah kan theih.
2018-19 cacawn kum ah Chin ramkulh tanghra sianginn le siangngakchia umnak sianginn zapi hi 92 a si. Hi chung ah tanghra sianginn 16 cu siangngakchia pakhat hmanh an awng lo. Hi sianginn 16 ahhin tanghra a phimi siangngakchia zapi hi 372 an si tiah Chin ramkulh Fimcawnnak zung cazin ning in kan theih.
2019 kum Chin ramkulh tanghra sianginn pakhat hmanh an um lonak cu; Thantlang peng- sianginn 3, Falam peng- sianginn 4, Tedim peng- sianginn 1, Tonzang peng- sianginn 2, Mindat peng- sianginn 2, Matupi peng- sianginn 1 le Paletwa peng – 4 an si.
2019 kum ah tanghra pakhat hmanh an awn lonak sianginn le camipuai a phimi zat cu a tanglei bantuk in an si.
Thantlang peng in Tlangpi ah minung 4 an phi, Farrawn 6 an phi, Aibur 3 an phi, Falam peng in Bualkhua 8 an phi, Lunghawh 6 an phi, Weibulah 10 an phi, Saungdo 13 an phi, Tedim peng in Dawlun 12 an phi, Tonzang peng in Tuimang 6 an phi, Khumnuai 26 an phi, Mindat peng in BEHS-No.3 – 45 an phi, Lohshae 7 an phi, Matupi peng in Mado 29 an phi, Paletwa peng in Meiksawa 49 an phi, Miza 94 an phi, Shinletwa 51, Mungtanu 3 an phi tiah Chin ramkulh fimcawnnak zung cazin in kan theih.
2017 kum le 2018 kum ah Tanghra Awng Umlonak Sianginn
Hakha: 2017 kum ah Chuncung khua hi 20 an phi, Surkhua 11, Sakta 2 an phi nain siangngakchia pakhat hmanh an awng lo, an sung dih.
Thantlang: 2017 kum ah Farrawn khua hi 14 an phi, Hmawngtlang 7, Tlangkhua 6, Lungler 2 an phi nain siangngakchia pakhat hmanh an awng lo, an sung dih. 2018 kum ah Ngaphaipi 12, Tlangpi 7, Aibur 1, Hmawngtlang 4, Hriangkhan 9 an phi nain pakhat hmanh an awng lo, an sung dih.
Falam: 2017 kum ah Saungdo 8, Tiochaung 7 an phi nain pakhat hmanh an awng lo, an sung dih. 2018 kum ah Lunghawh 14, Tibual 1, Weibulah 8 an phi i pakhat hmanh an awng lo, an sung dih.
Tedim: 2017 kum ah Zozang-A 14 an phi nain pakhat hmanh an awng lo, an sung dih. 2018 kum ah Htohline 7, Zozang-A 8 an phi nain pakhat hmanh an awng lo, an sungh dih.
Tonzang: 2017 kum ah Cikha 43, Tuimang 27, Tuimun 7, Haicin 16, Phaitu 8, Mualpi 10 an phi nain pakhat hmanh an awng lo, an sungh dih. 2018 kum ah Cikha 43, Tuimun 3, Darkhaing 22, Phaitu 5, Mualpi 1 an phi nain pakhat hmanh an awng lo, an sungh dih.
Mindat: 2017 kum ah Rampan 8, Lohshae 7 an phi nain pakhat hmanh an awng lo, an sung dih. 2018 kum ah Auhchaing 2, Tatme 6, Rampan 10, Lohshae 13 an phi nain pakhat hmanh an awng lo an sung dih.
Matupi: 2017 kum ah Sabawngte 6, Madu 9 an phi nain pakhat hmanh an awng lo, an sung dih.
Paletwa: 2017 kum ah Meiksawa 34, Mungtanu 1 an phi nain pakhat hmanh an awng lo, an sungh dih. 2018 kum ah Dalatme 33, Meiksawa 59, Miza 96, Tangtaung 27, Pahteintlang 6 an phi nain pakhat hmanh an awng lo, an sung dih.
2017-18 cacawn kum, Chin ramkulh ah tanghra siangngakchia umnak le camipuai a phitu an umnak tanghra sianginn zapi hi 91 a si. Hi chung ah minung pakhat te hmanh tanghra an awn lonak sianginn zapi hi 28 an si. Tanghra siangngakchia pakhat hmanh an awn lonak peng hna cu; Thantlang peng in sianginn 5, Falam peng in sianginn 4, Tedim peng in sianginn 2, Tonzang peng in sianginn 5, Mindat peng in sianginn 4, Matupi peng in sianginn 3, Paletwa peng in sianginn 5, a zapi sianginn 28 an si. Hi tanghra sianginn 28 chung ahhin Hakha peng le Kanpetlet peng an i tel lo.
Biakilh: Kanpetlet hi Mindat he an cawh caah a dangte in kan tial lo.
Chin Ramkulh Ah Kumthum Pehte In Tanghra Awng An Um Lonak Sianginn
2017-2019 tiang kumthum pehtlai te in siangngakchia camipuai a phimi an um ko bu ah tanghra awng an umlonak sianginn pathum cu; Falam peng in Weibulah, Mindat peng in Lohshae le Paletwa peng in Meiksawa an si.
Meiksawa hi 2017 kum ah 34, 2018 kum ah 59 le 2019 kum ah 49 an phi nain pakhat hmanh an awng lo. Weibulah hi 2017 kum ah 8, 2018 kum ah 8 le 2019 kum ah 10 an phi nain pakhat hmanh an awng lo. Lohshae hi 2017 kum ah 7, 2018 kum ah 13 le 2019 kum ah 7 an phi nain pakhat hmanh an awng lo tiah Chin ramkulh Fimcawnnak zung cazin ning in kan theih.
About The Author
