June 17, 2024

Kanpetlet Peng Ramlak le Innlak Ah An Tuah Mi Camipuai An Aung Dih Ngawt

0

The Chinland Post | 2024 March 27 — Chin ramkulh, Kanpetlet peng ah SAC ralkap vanlei ral ruang ah ramlak le mipi inn pawl ah an tuah mi 2023-2024 cacawn kum caminpuai ah an zapi ngawt in an awng tiah Kanpetlet peng fimcawnnak Board nih an thanh.

Chin ramkulh, Kanpetlet peng Council, Kanpetlet peng fimcawnnak Board phu nih 2023-2024 cacawn kum ah KG in Grade-11 tiang ah siahngakchia 600 leng ca an cawng tiah Deputy Township Education Officer (မြို့နယ်ပညာရေးမှူး) nih Khonumthung Burmese ah a chim fawn.

Fimcawnnak Board phu kuttang ah Kanpetlet peng hi hmun 5 ah an ṭhen i hmun 3 ah siahngakchia caminpuai phitnak a tlamtling tiah theih a si.

Asinain Cinduai khua pawng hmun 2 ah kahdohnak le vanlawng ral ṭihnung ruang ah cacawnnak cabuai pawl kha a himnak ramlak ah an ṭhial hna i an phitter hna, siahngakchia a tlawmnak sianginn pawl ahcun mipi inn pawl ah an phitter hna tiah theih a si.

2024-2025 cacawn kum ah Grade-12 class tuah kho ding in NUG lei ṭuanvo ngeitu pawl nih April le May ah Kanpetlet peng saya/mah pawl Training an pek hna lai i a raa lai mi June thla chung ah an thawk cang lai i Grade-12 an awn cang lai tiah Deputy Township Education Officer chimnak in theih a si.

A luancia December thawk in Kanpetlet peng, Cinduai khua lak kahdohnak cu Chin dothlennak phu pawl nih an tuah i Cinduai khuami telh in a pawngkam khuami 3000 hrawng ral an zaam tiah theih a si.

About The Author

Na ruahning rak langhter ve.. (Leave a comment)