CDF-Hakha Nih Palek Bo 2 Bawi An Tlaih
The Chinland Post | 2024 March 26 — Chin ramkulh, Hakha khua ah rian an khinh mi SAC palek bo 2 Kyaw Lin Oo cu an tlaih tiah CDF-Hakha nih thawng an thanh.
March 24 ah Hakha khua hrambunh SAC palek bo 2 Kyaw Lin Oo an tlaih hi a si i cu palek sin in SAC cawlcangh ning, thil sining tampi kan theih khawh tiah an langhter fawn.
Cun March 25, Hakha khuapi chung ah kahdohnak um lo pi in SAC ralkap nih Hakha hrambunh pengkomh palek zung in hriamngan cu mipi umnak lei ah an thlah caah mipi inn pakhat a rawk, minung 1 a nunnak a liam i hngakchia telh in mipi 4 an i hliam tiah cathanh ah an langhter fawn.
Cucaah hramhram in uknak a latu, a chiakha tuk mi SAC ralkap kan ramchung in ṭhio ding ah kan i zuam cuahmah lio a si. Mipi zapi nih fakpi in kan ṭanpi rih ko u tiah CDF-Hakha thawngthanhnak in theih a si.
About The Author
